سۈرە تەغابۇن
سۈرە تەغابۇن 1-ئايەت
يُسَبِّحُ لِلَّهِ مَا فِي السَّمَاوَاتِ وَمَا فِي الْأَرْضِ لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ
ئاسمانلاردىكى ۋە زېمىندىكى بارلىق نەرسىلەر ئاللاھنىڭ شەنىنى ئۇلۇغلاپ تۇرىدۇ. ئىگىلىك ھوقۇق ئاللاھقا تەۋەدۇر، بارچە مەدھىيە ئاللاھقا مەنسۇپ، ئاللاھ ھەممە نەرسىگە كۈچى يەتكۈچىدۇر (1).
سۈرە تەغابۇن 2-ئايەت
هُوَ الَّذِي خَلَقَكُمْ فَمِنكُمْ كَافِرٌ وَمِنكُم مُّؤْمِنٌ وَاللَّهُ بِمَا تَعْمَلُونَ بَصِيرٌ
ئۇ شۇنداق زاتكى، سىلەرنى ياراتتى. سىلەردىن مۆمىنمۇ بار، كاپىرمۇ بار، ئاللاھ قىلىۋاتقان ئىش - ھەرىكىتىڭلارنى كۆرۈپ تۇرغۇچىدۇر (2).
سۈرە تەغابۇن 3-ئايەت
خَلَقَ السَّمَاوَاتِ وَالْأَرْضَ بِالْحَقِّ وَصَوَّرَكُمْ فَأَحْسَنَ صُوَرَكُمْ وَإِلَيْهِ الْمَصِيرُ
ئۇ ئاسمانلارنى ۋە زېمىننى مەلۇم مەقسەتتە ياراتتى، سىلەرنى شەكىلگە كىرگۈزدى، شەكلىڭلارنى چىرايلىق قىلدى. ئاخىر قايتىدىغان جاي ئاللاھنىڭ ھوزۇرىدۇر (3).
سۈرە تەغابۇن 4-ئايەت
يَعْلَمُ مَا فِي السَّمَاوَاتِ وَالْأَرْضِ وَيَعْلَمُ مَا تُسِرُّونَ وَمَا تُعْلِنُونَ وَاللَّهُ عَلِيمٌ بِذَاتِ الصُّدُورِ
ئاللاھ ئاسمانلاردىكى ۋە زېمىندىكى نەرسىلەرنى بىلىپ تۇرىدۇ، سىلەرنىڭ يوشۇرغانلىرىڭلارنىمۇ ۋە ئاشكارىلىغانلىرىڭلارنىمۇ بىلىپ تۇرىدۇ. ئاللاھ دىللاردىكى سىرلارنىمۇ بىلگۈچىدۇر (4).
سۈرە تەغابۇن 5-ئايەت
أَلَمْ يَأْتِكُمْ نَبَأُ الَّذِينَ كَفَرُوا مِن قَبْلُ فَذَاقُوا وَبَالَ أَمْرِهِمْ وَلَهُمْ عَذَابٌ أَلِيمٌ
سىلەرگە بۇرۇنقىلاردىن كاپىر بولۇپ، ئۆز قىلمىشلىرىنىڭ جازاسىنى تېتىغانلارنىڭ خەۋىرى يېتىپ كەلمىدىمۇ؟ ئۇلار يەنە (ئاخىرەتتە) دەرت-ئەلەملىك ئازاب-ئوقۇبەتكە دۇچار بولىدۇ (5).
سۈرە تەغابۇن 6-ئايەت
ذَلِكَ بِأَنَّهُ كَانَت تَّأْتِيهِمْ رُسُلُهُم بِالْبَيِّنَاتِ فَقَالُوا أَبَشَرٌ يَهْدُونَنَا فَكَفَرُوا وَتَوَلَّوا وَّاسْتَغْنَى اللَّهُ وَاللَّهُ غَنِيٌّ حَمِيدٌ
بۇنىڭ سەۋەبى شۇكى، ئۇلارغا ئەلچىلىرى ئېنىق دەلىل-پاكىتلارنى ئېلىپ كېلەتتى. ئۇلار بولسا: « بىزگە(ئوخشاش) بىر ئىنسان بىزگە يېتەكچىلىك قىلامدۇ؟ دەپ ئىنكار قىلاتتى، يۈز ئۆرۈشەتتى. ئاللاھ (ئۇلارنىڭ ئىمانىغا) مۇھتاج ئەمەسلىكىنى كۆرسەتتى. ئاللاھ ئۆز-ئۆزىگە يېتەرلىكتۇر، مەدھىيىگە سازاۋەردۇر (6).
سۈرە تەغابۇن 7-ئايەت
زَعَمَ الَّذِينَ كَفَرُوا أَن لَّن يُبْعَثُوا قُلْ بَلَى وَرَبِّي لَتُبْعَثُنَّ ثُمَّ لَتُنَبَّؤُنَّ بِمَا عَمِلْتُمْ وَذَلِكَ عَلَى اللَّهِ يَسِيرٌ
كاپىر بولغانلار قايتا تىرىلمەيدىغانلىقىنى ئىلگىرى سۈرۈشتى. ئېيتقىنكى، «ياق، رەببىم بىلەن قەسەم قىلىمەنكى، سىلەر چوقۇم قايتا تىرىلدۈرۈلىسىلەر، ئاندىن قىلغان ئىش-ھەرىكىتىڭلاردىن سىلەرگە بىرمۇ-بىر خەۋەر بېرىلىدۇ. بۇ ئاللاھقا ئاساندۇر» (7).
سۈرە تەغابۇن 8-ئايەت
فَآمِنُوا بِاللَّهِ وَرَسُولِهِ وَالنُّورِ الَّذِي أَنزَلْنَا وَاللَّهُ بِمَا تَعْمَلُونَ خَبِيرٌ
شۇڭلاشقا ئاللاھقا، ئۇنىڭ ئەلچىسىگە ۋە بىز چۈشۈرگەن نۇر (يەنى قۇرئان) غا ئىشىنىڭلار، ئاللاھ قىلىۋاتقان ئىش-ھەرىكىتىڭلاردىن تولۇق خەۋەرداردۇر (8).
سۈرە تەغابۇن 9-ئايەت
يَوْمَ يَجْمَعُكُمْ لِيَوْمِ الْجَمْعِ ذَلِكَ يَوْمُ التَّغَابُنِ وَمَن يُؤْمِن بِاللَّهِ وَيَعْمَلْ صَالِحًا يُكَفِّرْ عَنْهُ سَيِّئَاتِهِ وَيُدْخِلْهُ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا أَبَدًا ذَلِكَ الْفَوْزُ الْعَظِيمُ
بىركۈن كېلىدۇكى،ئاللاھ ھەممىڭلارنى ئەڭ بۈيۈك جەم قىلىش كۈنى بولغان مەھشەردە بىريەرگە يىغىدۇ، ئەنە شۇ كۈن ئالدانغانلىقىنى ناھايىتى ئېنىق ھېس قىلىدىغان كۈندۇر. كىمكى ئاللاھقا ئىشەنسە ۋە ياخشى ئىشلارنى قىلسا، ئاللاھ ئۇنىڭ قۇسۇرلىرىنى ياپىدۇ ۋە ئۇنى ئاستىدىن ئۆستەڭلەر ئېقىپ تۇرىدىغان جەننەتلەرگە كىرگۈزىدۇ، ئۇلار ئۇ جەننەتلەردە مەڭگۈ قالىدۇ. بۇ كاتتا ئۇتۇقتۇر (9).
سۈرە تەغابۇن 10-ئايەت
وَالَّذِينَ كَفَرُوا وَكَذَّبُوا بِآيَاتِنَا أُولَئِكَ أَصْحَابُ النَّارِ خَالِدِينَ فِيهَا وَبِئْسَ الْمَصِيرُ
كاپىر بولغان ۋە ئايەتلىرىمىزنى يالغانغا چىقارغانلارغا كەلسەك، ئەنە شۇلار دوۋزىخىيلاردۇر، ئۇلار دوزاختا مەڭگۈ قالىدۇ . بارىدىغان ئۇ جاي نېمە دېگەن يامان جاي! (10).
سۈرە تەغابۇن 11-ئايەت
مَا أَصَابَ مِن مُّصِيبَةٍ إِلَّا بِإِذْنِ اللَّهِ وَمَن يُؤْمِن بِاللَّهِ يَهْدِ قَلْبَهُ وَاللَّهُ بِكُلِّ شَيْءٍ عَلِيمٌ
ئاللاھنىڭ رۇخسىتىسىز (ئىنساننىڭ) بېشىغا ھېچقانداق مۇسىبەت كەلمەيدۇ. كىمكى ئاللاھقا ئىشىنىدىكەن، ئاللاھ ئۇنىڭ قەلبىنى توغرا يولغا يېتەكلەيدۇ. چۈنكى ئاللاھ ھەممە نەرسىنى ئوبدان بىلگۈچىدۇر (11).
سۈرە تەغابۇن 12-ئايەت
وَأَطِيعُوا اللَّهَ وَأَطِيعُوا الرَّسُولَ فَإِن تَوَلَّيْتُمْ فَإِنَّمَا عَلَى رَسُولِنَا الْبَلَاغُ الْمُبِينُ
ئاللاھقا ئىتائەت قىلىڭلار، رەسۇلغا ئىتائەت قىلىڭلار. ئەگەر سىلەر (بۇنىڭدىن) يۈز ئۆرىسەڭلار، رەسۇلىمىزنىڭ ۋەزىپىسى پەقەت چۈشىنىشلىك يەتكۈزۈشتۇر (12).
سۈرە تەغابۇن 13-ئايەت
اللَّهُ لَا إِلَهَ إِلَّا هُوَ وَعَلَى اللَّهِ فَلْيَتَوَكَّلِ الْمُؤْمِنُونَ
ئاللاھتىن باشقا ھېچقانداق ئىلاھ يوقتۇر. شۇڭا مۆمىنلەر پەقەت ئاللاھقىلا تايانسۇن (13).
سۈرە تەغابۇن 14-ئايەت
يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَّكُمْ فَاحْذَرُوَهُمْ وَإِن تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَّحِيمٌ
ئى ئىمان ئېيتقانلار! شۈبھىسىزكى، جۈپتىلىرىڭلاردىن ۋە پەرزەنتلىرىڭلاردىن سىلەرگە دۈشمەنلىك قىلىدىغانلار چىقىشى مۇمكىن، ئۇلاردىن پەخەس بولۇڭلار. ئەگەر ئۇلارنى ئەپۇ قىلساڭلار، يېڭى بەت ئاچساڭلار، كەچۈرسەڭلار، (بىلىڭلاركى) ئاللاھ ھەقىقەتەن ئەپۇ-مەغپىرەت قىلغۇچىدۇر، ئىنتايىن رەھىمدىلدۇر (14).
سۈرە تەغابۇن 15-ئايەت
إِنَّمَا أَمْوَالُكُمْ وَأَوْلَادُكُمْ فِتْنَةٌ وَاللَّهُ عِندَهُ أَجْرٌ عَظِيمٌ
سىلەرنىڭ پۇل-ماللىرىڭلار، پەرزەنىتلىرىڭلار بىرتۈرلۈك سىناقتۇر، بۈيۈك مۇكاپات ئاللاھنىڭ دەرگاھىدىدۇر (15).
سۈرە تەغابۇن 16-ئايەت
فَاتَّقُوا اللَّهَ مَا اسْتَطَعْتُمْ وَاسْمَعُوا وَأَطِيعُوا وَأَنفِقُوا خَيْرًا لِّأَنفُسِكُمْ وَمَن يُوقَ شُحَّ نَفْسِهِ فَأُولَئِكَ هُمُ الْمُفْلِحُونَ
شۇڭا سىلەر قۇربىتىڭلارنىڭ يېتىشىچە ئاللاھقا قارىتا تەقۋادار-مەسئۇلىيەتچان بولۇڭلار، (ئۇنىڭغا) قۇلاق سېلىڭلار، ئىتائەت قىلىڭلار، (ياخشىلىق يوللىرىدا) پۇل-ماللىرىڭلارنى چىقىم قىلىڭلار، بۇ ئۆزۈڭلار ئۈچۈن پايدىلىقتۇر. كىمكى نەپسىنىڭ ئاچكۆزلۈك ۋە بېخىللىقىدىن ساقلىنىدىكەن، ئەنە شۇلار ھەقىقىي مۇراد-مەقسىتىگە يەتكۈچىلەردۇر (16).
سۈرە تەغابۇن 17-ئايەت
إِن تُقْرِضُوا اللَّهَ قَرْضًا حَسَنًا يُضَاعِفْهُ لَكُمْ وَيَغْفِرْ لَكُمْ وَاللَّهُ شَكُورٌ حَلِيمٌ
ئەگەر سىلەر (پۇل-ماللىرىڭلارنى ياخشىلىق يوللىرىغا سەرپ قىلىش ئارقىلىق) ئاللاھقا ياخشى قەرز بەرسەڭلار، ئاللاھ سىلەرگە ئۇنى ھەسسىلەپ بېرىدۇ ۋە سىلەرنى ئەپۇ-مەغپىرەت قىلىدۇ. ئاللاھ مىننەتدارلىق بىلدۈرگۈچىگە كۆپ مۇكاپات بەرگۈچىدۇر، جازالاشقا ئالدىراپ كەتمەيدىغان زاتتۇر (17).
سۈرە تەغابۇن 18-ئايەت
عَالِمُ الْغَيْبِ وَالشَّهَادَةِ الْعَزِيزُ الْحَكِيمُ
ئاللاھ غەيبنى ۋە ئاشكارىنى بىلگۈچىدۇر، مۇتلەق ئۈستۈندۇر، ھېكمەت بىلەن ئىش قىلغۇچىدۇر (18).
Flag Counter